Монголын Скаутын Холбооны 2010 оны төлөвлөгөөнд тусгагдсаны дагуу 2010 оны 1-р сарын 20-23-ны өдрүүдэд Дархан-Уул аймгийн Скаутын Зөвлөлийг түшиглэсэн сургалтыг БСШУЯ, Монголын Скаутын Холбооны ҮТШ хамтран зохион байгууллаа. Энэхүү сургалтанд аймгийн төвийн “Оюуны Ирээдүй” цогцолбор сургууль, 4-р сургуулийн багш нар хамрагдсанаас гадна Орхон сумын 8-р сургууль, Сэлэнгэ аймгийн Мандал сум (Зүүнхараа) дахь бүлгийн удирдагчид мөн аймгийн Дэлхийн Зөн байгууллагын төслийн удирдагч Ганбаяр оролцсон юм.
19 насанд хүрэгчид 14 скаут хүүхдүүд хамрагдсан энэхүү сургалтыг Монголын Скаутын Холбооны Үндэсний нарийн бичгийн дарга Г.Ариунчулуун, Орон нутаг хариуцсан товчооны гишүүн М.Оргилбаатар нар удирдан зохион байгууллаа.
Сургалтыг онол болон дадлага ажил хосолсон хэлбэрээр зохион байгуулснаас гадна шинээр 
бүлэг бүлгэмийг хэрхэн зохион байгуулах болон шинэчилсэн менежментийн хүрээнд хэрхэн хамтран ажиллах талаар дэлгэрэнгүй мэдээлэлтэйгээр зохион байгуулснаараа онцлог юм.
Сургалтанд хамрагдсан 19 скаут мастер БСШУЯ-наас зөвшөөрөгдсөн 2 кредит цагийн модулийг хангасан болно. Сургалтыг амжилттай зохион байгуулахад идэвхи зүтгэл гарган ажилласан Дархан-Уул аймгийн СЗ, ”Вoсмёрка” ХХК, Дэлхийн Зөн-Дархан, Модерн Номадс-Дархан рестораны хамт олонд баярлалаа.
