www.scout.mn

Миний пасспорт аяны маань 2 дугаар шатны нээлт 2010 оны 5 дугаар сарын 06-нд УДЭТ-т боллоо. 2009 онд эхэлсэн аян халдварт өвчний дэгдэлт зэрэг тодорхой шалтгаануудын улмаас багагүй саатаж байсан юм. Иймээс хүүхдүүд өгөгдсөн даалгавруудыг гүйцэтгэхэд бэрхшээл тулгарч байсан боловч одоо зуныхаа амралтаар найз нөхөдтэйгээ, зусланд болон хөдөө явахдаа аяныхаа өгөгдлийн дагуу даалгавруудыг гүйцэтгэх бололцоотой боллоо. Аяны материалууд Монгол улсын 21 аймаг 9 дүүрэгт Хүүхдийн Төлөө Үндэсний Газраар дамжуулан тараагдсан бөгөөд 1000 гаруй баг хамт олон аяны үйл ажиллагаанд амжилттай оролцож байна.

GО HELP Английн тусламжийн байгууллагын Монгол дахь төлөөлөгчийн газартай Монголын Скаутын Холбоо хамтран ажиллах гэрээ, санамж бичигт 2010 оны 4 дүгээр сар 30-ны өдөр GO HELP-ийг төлөөлж Монгол дахь суурин зохицуулагч Б.Дөлгөөн, Монголын Скаутын Холбоог төлөөлж Гүйцэтгэх захирал Д.Баяржаргал нар гарын үсэг зурлаа. Хамтын ажиллагааны хүрээнд GO HELP Хархорин зах дээр хөдөлмөр эрхэлдэг 20 хүүхдийн төлбөрийг дааж 2010 оны 7 сарын 2-7-ны өдрүүдэд болох Монголын Үндэсний 4-р Жемборид оролцуулахаар боллоо.

 Дэлхийн Номын Өдөр буюу  2010 оны 4 сарын 23нд БСШУЯ-аас хэрэгжүүлж байгаа “Англи хэлний үндэсний хөтөлбөр”,  Монголын Скаутын Холбоо, Германы Скаутын хамтарсан “Номын гүүр” төслийн хүрээнд 2010-2013 онд хамтран ажиллах Санамж бичигт Боловсрол, Соёл, Шинжлэх Ухааны Сайд Ё.Отгонбаяр, Монголын Скаутын Холбооны Гүйцэтгэх захирал Д.Баяржаргал нар гарын үсэг зуржээ.

Монголын Скаутын Холбоо болон TV5 телевизийн урт хугацааны хамтран ажиллах гэрээнд гарын үсэг зурах ёслол 2010 оны 4 сарын 9-нд болж ТV5 Телевизийн Захирал Б.Сарангэрэл, Монголын Скаутын Холбооны Гүйцэтгэх захирал Д.Баяржаргал нар гарын үсэг зурлаа.

Данийн Скаутын Байгууллага, Монголын Скаутын Холбооны Ровер Скаутууд Дани улсад төслийнхөө эхний шатыг дуусгаад ирлээ.

Монголын Скаутын Холбоо нь Данийн ногоон Скаутын Холбооны байгууллагатай байнга хамтран ажиллаж ирсэн бөгөөд 2008 оны 4 сараас эхлэн Баруун бүсийн Увс, Баян-Өлгий, Говь-Алтай, Ховд гэсэн 4 аймгийг хамруулан Скаутын бүлэг салаадыг шинээр бий болгох, дахин сэргээх, удирдагчдыг бэлтгэх ба тогтвортой хөгжлийн чиг баримтлалаар цаашид хангах зорилготойгоор “Нисгэгч” төслийг хэрэгжүүлж эхэлсэн билээ.