www.scout.mn

Сүхбаатар аймгийн төв Баруун-Урт суманд Монголын Скаутын Холбооноос зохион явуулдаг Боловсролын Яамны зөвшөөрөл бүхий 2 кредиттэй Бүлгийн Удирдагч Нарыг Бэлтгэх Анхан Шатны Үндсэн Сургалт болж өнгөрлөө. Уг сургалтыг Сүхбаатар аймгийн Скаутын Зөвлөлийн дарга Б.Золхүү санаачлан 2010 оны 4 дүгээр сарын 14-16-ны хооронд аймгийнхаа төв дээр авсан юм.

Баянзүрх Дүүргийн Амгалан цогцолбор буюу 27-р сургууль дээр 2010 оны 3 дугаар сарын 31-ээс 4 дүгээр сарын 2-ны хооронд Бүлгийн Удирдагч Нарыг Бэлтгэх Анхан Шатны Үндсэн Сургалт болж өнгөрлөө. Энэхүү сургалтыг тус сургууль өөрсдийн багш нарт зориулан дангаараа авсан бөгөөд зөвхөн 1 сургуулийн багш нар оролцсон нь Скаутын үйл ажиллагаа хүчтэй өрнөх, хамтран бие биендээ туслах, бүлэг хоорондын зөв өрсөлдөөнийг бий болгох зэрэг олон талын ач холбогдолтой юм.

Дани Монголын Скаутуудын хамтарсан “Баруун бүсийн Скаутын тогтвортой хөгжлийг дэмжих” төсөл"-ийн багийн гишүүд 2010 оны 3 дугаар сарын 28-наас 4 дүгээр сарын 3-ны өдрүүдэд Ховд аймагт баруун бүсийн 4 аймгийг хамарсан Скаутын сургалтыг зохион байгууллаа.

Монголын Скаутын Холбооны ҮНБД Г.Ариунчулуун 2010 оны 03 сарын 26-ны өдөр Багахангай дүүргийн “Хангай” цогцолбор сургуульд ажиллан сургуулийн багш, удирдлагуудад болон хүүхдийн оролцооны байгууллагуудын гишүүн хүүхдүүдэд Скаутын хөдөлгөөний болон МСХ-ны түүх, зарчим, андгай, хууль, арга, анхан шатны нэгжийн үйл ажиллагаа, энэ зун болох Үндэсний жемборийн талаар үндсэн мэдээллийн сургалт зохион байгууллаа.

2010 оны 23-25-ны өдрүүдэд Дорноговь аймгийн төвд БУНБАШҮС болон бүлэг, салаан ахлагч хүүхдүүдийг бэлтгэх сургалт амжилттай зохион байгуулагдлаа. Замын-Үүд, Айраг, Алтанширээ, Эрдэнэ сумдын болон төвийн 1, 2, 3-р сургуулийн багш, сурагчид оролцсон энэхүү сургалтанд 18 насанд хүрэгч, 45 хүүхэд хамрагдав.