2010 оны хамгийн анхны Скаут цугларалт 2010 оны 1 дүгээр сарын 15-17-ны хооронд болж өнгөрлөө. Скаутын хөдөлгөөний Роверын салбар буюу 18-25 насны залуучуудын Өвлийн Дөрөвдүгээр майхант цугларалт Хүрэл Тогоот одон орон судлалын төвөөс 500м зайд байх Тэмээн хадыг түшиглэн зохион байгуулагдлаа. Энэ үеэр шөнөдөө -35 хэмийн хүйтэн байсан бөгөөд Ровер залуучууд өөрсдийнхөө авхаалж самбаа, эр зоригийг сорих зорилгоор жил бүр зохион байгуулдаг юм.
2008 оны 9 сарын 13-ны өдөр “Хар усан тохой”-д 1 өдрийн буюу Намрын аялал боллоо. Улаанбаатар хотын Хан-Уул дүүргийн 18-р бүлгэм, Чингэлтэй дүүргийн 37, 49-р бүлгэм, Баянгол дүүргийн 13 бүлгэмийн нийт 209 скаутууд болон бүлэг, бүлгэмийн удирдагч нар, мөн Хэвлэлийн хүрээлэнгийн дэргэдэх “Хүүхэд сэтгүүлч” клубын 13 сэтгүүлч энэхүү аялалд оролцлоо. Зохион байгуулагчаар ҮТШ-ын дарга Н.Оргилсайхан, Хөтөлбөр, сургалт хариуцсан ажилтан Б.Ариунболд, Ровер скаутууд явлаа.
